Velkomin Gítarskóli Ólafs Gauks hóf starfsemi 1975. Skólinn er opinn öllum þeim, sem hafa áhuga á að læra gítarleik. Á það jafnt við um börn og unglinga sem fullorðið fólk á öllum aldri, enda hefur reynslan orðið sú, að um helmingur nemenda skólans er úr hópi hinna yngri, en hinn helmingurinn eru fullorðnir, sem bæði setjast í skólann sem algerir byrjendur eða með einhverja undirstöðu, og finna þar ljúfa dægradvöl og lífsfyllingu. Innritun Innritun í skólann fer fram tvisvar á ári, enda er kennslu skipt í tvær annir á vetri hverjum. Hin fyrri hefst í septemberlok eða októberbyrjun og stendur fram undir jól. Hin síðari hefst í janúarlok eða febrúarbyrjun og stendur til apríl-maí. Smelltu á 'Innritun' hér til hliðar fyrir nýjustu upplýsingar. Létt og leikandi Námskeiðin í Gítarskóla Ólafs Gauks eru létt og leikandi og miða við að nemandinn hafi bæði gagn og gaman af náminu.